mkprabha April 21, 2018 No Comments

எவை குரோத் பங்குகள் என்பதை எப்படி தெரிந்து கொள்வது..? Part – 1

part - 1

குரோத் பங்குகள் என்பது உங்களுக்கு தெளிவாகவே புரியும். கடந்த வருடங்களில் டேர்ன் ஓவர், நிகர லாபம் இ.பி.எஸ் போன்ற அளவுகோல்களில் நல்ல வளர்ச்சியைக் கண்டிருக்க வேண்டும். ( உதாரணத்துக்கு 20%க்கு மேல் ! ) அதன் துறை சார்ந்த நிறுவனங்களை விட அதிகமாக வளர்ந்திருக்க வேண்டும் ( குறைந்தது 10 சதவீதத்துக்கும் அதிகமாக )

Part - 2

வரும் வருடங்களில் அந்நிறுவனத்தின் டேர்ன் ஓவர், நிகர லாபம், இ.பி.எஸ் போன்றவற்றின் வளர்ச்சியும் அதிகமாவதற்கான வாய்ப்பு உள்ளதா என்று ஆய்வு செய்ய வேண்டும்.

அந்நிறுவனம் சார்ந்த துறைக்கு வளர்ச்சி வாய்ப்பு, போட்டிகள் மற்றும் நேர்மையான நிர்வாகம் ஆகியவை உள்ளனவா என்று அனலைஸ் ( Analyse ) செய்ய வேண்டும்.

Part -3

செலவுகள் கட்டுக்குள் உள்ளனவா/இனி வரும் காலங்களிலும் அது கட்டுக்குள் இருக்குமா என்று பார்க்க வேண்டும்.

திறமையான நிர்வாகத்தை கொண்டுள்ளதா, குறுக்கு வழியில் செல்லாத புரமோட்டார்களை கொண்டுள்ளதா என்று பார்க்க வேண்டும்.

Part -4

அடுத்த 3 அல்லது 4 ஆண்டுகளில் பங்கின் விலை இரட்டிப்பு ஆகுமா என்பதையும் அலச வேண்டும்.

ஆர்.ஓ.இ.(ROE - return On Equality) வளர்ந்து கொண்டே இருக்கிறதா?(ஆர்.ஓ.இ =
நிகர லாபம் /பங்குதாரர்களின் முதலீடு) என்பதையம் பார்க்க வேண்டும்

Part -5

• வேல்யூ பங்குகளுக்கு நேர் மாறாக இருக்கும்

• பிஇ, பிபிவி கொண்டவையாக இருக்கும்.

• வரும் லாபம் அனைத்தையும் இந்நிறுவனங்கள்
திரும்ப தனது தொழில் வளர்ச்சிக்காக முதலீடு செய்து விடுவதால், டிவிடெண்ட் பெரும்பாலும் மிகமிகக் குறைவாக இருக்கும்.

நன்றி - ஷேர் மார்கெட் A to Z - சொக்கலிங்கம் பழனியப்பன்

mkprabha April 21, 2018 No Comments

புதிய முதலீட்டாளர்களுக்கு…!?

  • இந்தியப்பொருளாதாரம் அதிவேகமாக வளர்ந்து வருவதால், இன்று ஓரளவுக்கு சிறிதாக இருக்கும் நிறுவனங்கள் எதிர்காலத்தில் வளர்ச்சிப்பங்குகளாக மாறி பெரும் நிறுவனங்களாக வளர்ந்திருக்கும்.
  • ஒரு புதிய முதலீட்டாளர் ஒவ்வொரு சிறிய நிறுவனப் பங்கைப் பார்க்கும் போதும் இந்த நிறுவனம் நாளைக்கு இன்போஸிஸ் போன்ற பெரிய நிறுவனமாக வளர்ந்து விடும் என்று நினைத்துவிடுவார்.
  • எல்லா நிறுவனங்களும் இன்போஸிஸ் போல வளர்ந்து விடாது. ஆகவே கிரௌத் நிறுவனப் பங்குகளைப் பெறுவதில் மிகவும் ஜாக்கிரதையாக இருக்க வேண்டும்.

நன்றி - ஷேர் மார்கெட் A to Z - சொக்கலிங்கம் பழனியப்பன்

mkprabha April 21, 2018 No Comments

பங்குச் சந்தையில் முதலீடு செய்யும் போது கவனிக்க வேண்டியவை…?

  • பங்குச் சந்தையில் முதலீடு செய்யும் போது பெரிய நிறுவனப் பங்குகளில் அதாவது சென்செஸ் அல்லது நிஃப்டி குறியீட்டுப்பட்டியலில் இடம் பெற்றுள்ள பங்குகளில் முதலீடு செய்தால் ரிஸ்க் குறைவு.
  • நடுத்தர நிறுவங்களில் ரிஸ்க் கொஞ்சம் அதிகம். ( அதே போல அதிக லாபம் கிடைக்கலாம் ) சிறிய நிறுவனங்களில் ரிஸ்க் மிக அதிகம். ( லாபம் அதே போல )
  • ஆகவே பங்குச்சந்தையில் முதலீட்டை தொடங்கும் போது பெரிய நிறுவனங்களின் பங்குகளாகப் பார்த்து வாங்குவது நல்லது.

நன்றி - ஷேர் மார்கெட் A to Z - சொக்கலிங்கம் பழனியப்பன்

mkprabha April 21, 2018 No Comments

நீண்ட கால முதலீட்டாளர்கள்…

  • நீண்ட கால முதலீட்டாளர்கள் குறுகிய கால ரிஸ்கைப் பற்றி கவலைப்படத் தேவையில்லை.
  • நல்ல பங்குகளாகப் பார்த்து முதலீடு செய்யும்பொழுது, நீண்ட காலத்தில் பணத்தை இழப்பதற்கான சாத்தியக்கூறுகள் மிக மிகக் குறைவு.
  • உங்களது குறுகிய கால (5 வருடத்திற்கும் குறைவாக) தேவைகளுக்கு ஆர்.டி, அல்லது பிக்ஸட் டெபாசிட் போன்ற திட்டங்களில் முதலீடு செய்து கொள்ளுங்கள்.
  • 5 வருடம் வரை உறுதியாக தேவைப்படாத பணத்தை பங்குச்சந்தையில் முதலீடு செய்யலாம்.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 18, 2018 No Comments

புரோக்கிங் அக்கவுன்டைத் திறக்க என்னென்ன தேவை?

1. விண்ணப்பம் (இதில் பதினைந்துக்கும் மேற்பட்ட இடங்களில் நீங்கள் கையெழுத்துப் போட வேண்டும்!)

2. பாஸ்போர்ட் சைஸ் புகைப்படங்கள் + நாமினி புகைப்படம்.

3. பான் கார்டு நகல்.

4. அட்ரஸ் புரூப்

5. வங்கிக்கணக்கு.

6. கணக்கு திறப்பதற்கான கட்டணம்.

மேற்சொன்னவை அனைத்தும் உங்களிடம் இருக்கிறதா? இல்லை என்றால் உடனடியாக அதைப் பெறுவதற்கான வேலைகளில் இறங்குங்கள்.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 16, 2018 No Comments

டீமேட் கணக்குகளை யார் பராமரிக்கிறார்கள்?

  • என்.எஸ்.டி .எல். மற்றும் சி.டி.எஸ்.எல். (NSDL & CDSL) என்ற இரு நிறுவனங்கள் தான் இந்தியாவில் உள்ள அனைத்து டிமேட் கணக்குகளையும் வைத்துக் கொண்டு பராமரித்து வருகிறது.
  • முதலீட்டாளர்களுக்கு, இந்த இரு நிறுவனங்களுக்கும் இடையில் டி. பி (DP – Depository Participant) என்பவர் இருப்பார். இந்த டீ.பி பெரும்பாலும் உங்களது புரோக்கராகவே இருப்பார்.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 14, 2018 No Comments

டிமேட் அக்கவுன்ட் …?

  • நீங்கள் வாங்கும் பங்குகளை உங்களுக்கென இருக்கும் அக்கவுன்டில் வைத்திருக்கத் தான் இந்த டிமேட் கணக்கு.
  • நீங்கள் வங்கியில் வைத்திருக்கும் சேமிப்புக் கணக்கைப் போலவோ அல்லது லாக்கர் போலவோ இந்தக் கணக்கை நினைத்துக் கொள்ளலாம்.
  • டிரேடிங் கணக்கு என்றால்...?
    புரோக்கரிடம் நீங்கள் வைத்துள்ள டிரேடிங் கணக்கில் பணம் செலுத்தி பங்கை வாங்கவோ, விற்கவோ செய்வீர்கள். அவ்வாறு நீங்கள் வாங்கிய பங்குகள் உங்கள் டிமேட் கணக்கில் வரவாகி விடும். அதேபோல் நீங்கள் பங்குகளை விற்கும்போது உங்கள் டிமேட் கணக்கில் இருந்து விற்ற பங்குகளை கழித்துவிட்டு, அந்த பங்குகளை வாங்கியவர் கணக்கிற்கு மாற்றப்படும்.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 13, 2018 No Comments

பங்குச் சந்தையில் முதலீடு செய்ய விருப்பமா?

  • டிமேட் அக்கவுன்ட் open செய்யுங்கள்
    பங்குச்சந்தை என்பது ஒரு நீண்டகால முதலீடு.
  • குதிரை ரேஸ் போல சூதாட்டமல்ல. நினைத்தமாத்திரத்தில் பங்குச்சந்தையில் குதித்து விட முடியாது. ஒரு வங்கியில் பணம் சேமிப்பதற்கு முன்பு ஒரு கணக்கு ஆரம்பிக்கிற மாதிரி பங்குச்சந்தையில் இறங்குவதற்கு இரண்டு கணக்குகளைத் தொடங்க வேண்டும்.
  • டீமேட் அக்கவுன்ட் மற்றும் புரோக்கிங் அக்கவுன்ட் என்ற இரண்டு தான் அவை. பங்குகளை வாங்கி, விற்க இந்த இரண்டு வகையான அக்கவுன்டுகள் தேவை.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 12, 2018 No Comments

பங்குச்சந்தையில் ஏன் முதலீடு செய்ய வேண்டும்?

  • பங்குச்சந்தை முதலீட்டில் ஒவ்வொரு மனிதனும் கட்டாயமாக ஈடுபட வேண்டும். ஏனென்றால் அந்த முதலீட்டினால் நீங்கள் உலகப் பொருளாதாரத்தோடு உறவு உண்டாக்கிக் கொள்வீர்கள்.நிறுவனங்களைப் பற்றி தெரிந்து கொள்கிறீர்கள்.
  • பல வகையான தொழில்களைப் பற்றி, நடப்புக்களைப் பற்றி, வாய்ப்புகளைப் பற்றி, புதிய தொழில்களைப் பற்றி, நிர்வாகம் பற்றி, உலக நிறுவனங்களைப் பற்றி தெரிந்துகொள்கிறீர்கள்.
  • பங்கு முதலீட்டினால் லாபம் வருவது ஒருபுறமிருக்க, அதன் மூலம் கிடைக்கும் அனுபவம், லாபத்தைவிட முக்கியம்.

- ஷேர் மார்க்கெட் A to Z சொக்கலிங்கம் பழனியப்பன்

mkprabha April 10, 2018 No Comments

நான் ஏன் பங்குச் சந்தையில் முதலீடு செய்யவேண்டும்?

  • பங்குச் சந்தை முதலீடு இன்றைய காலகட்டத்தில் நம் ஒவ்வொருவருக்கும் அவசியம்.
  • இன்று இந்தியப் பொருளாதாரம் படுவேகமாக வளர்கிறது. இந்த வளர்ச்சியினால், உற்பத்திக்கும் தேவைக்குமான இடைவெளி அதிகமாகி இருக்கிறது.
  • உணவுப் பொருட்கள் விலையேற்றம், வீட்டு விலை மற்றும் வாடகை உயர்வு என அத்தியாசியவமான ஒவ்வொன்றும் விலை ஏறிக் கொண்டே இருக்கிறது.
  • உதாரணமாக, கடந்த ஆண்டு ₹10 கொடுத்து வாங்கிய பொருள் இன்று ₹11.இதைத்தான் நாம் பணவீக்கம் என்கிறோம்.
  • பணவீக்கத்தை வெல்லக்கூடிய ஒரு நல்ல முதலீடு பங்கு சார்ந்த முதலீடு என்பது உலகம் முழுக்க ஒப்புக் கொள்ளப்பட்ட உண்மை.
  • சரியான பங்குகளில் நீண்ட காலத்துக்கு முதலீடு செய்தல் உங்கள் வருமானம் நிச்சயமாக பணவீக்கத்தை தாண்டியதாகத்தான் இருக்கும்.
  • பங்குச் சந்தையில் முதலீடு செய்ய வேண்டும் என்பதற்கு இதுவே முக்கிய காரணம்.


- ஷேர் மார்க்கெட் A to Z சொக்கலிங்கம் பழனியப்பன்